en   fr   de   ro   es   it
  
     Username:  Password:  

registerforgot password?

Tuesday, 19 September 2017
Browse nach Artisten Browse
related Songs
LAST  Advertisements
LAST  Last Queries

 


BAP - Songtexte


Sonx - Album




Et Ess Vorbei


 
Wenn du wach weeß, liej’ich nimieh nevven dir

un et Bess wöhr, du sööx nirjendwo noh mir.

Stell kein Froore, op die et kein Antwoot jitt,

ich benn lang ald durch de Düür,

wohin weiß ich selver nit.



Loss et joot sinn, maach dir keine Kopp,

hook mich aff, Kind un verlooß dich dropp,

dat ich Rääsch hann: Et hätt einfach keine Zweck,

och wenn’t noch su schön woor,

jede einz’je Aurenbleck.



Et litt nit ahn dir, du kanns nix dofür.

Et mäht keine Senn, denk nit jrooß drövver noh,

et soll nit sinn.



Et ess vorbei, (x2)

eh dat noch russläuf op Dierquälerei.

Et ess vorbei (x3)

un do blieht et och bei,

jläuv mir’t ess besser, mir lossen uns frei.



Nur en Kääz brennt un dä Zeddel he, vüür mir

mäht mich fäädisch, weil’e mich hypnotisiert,

majestätisch, unberührt wie Schnie,

jede Spur vun mir dodropp

deit dir nur unnühdisch wieh.

Un ich sinn dich un ich sehne mich noh dir.

Wie du doliss, ich benn völlisch irritiert.

Wiesu fällt mir jede Buchstabe su schwer?

Wiesu kriej’ich, wat ich denke

nit och logisch formuliert?



Nä,’t litt nit ahn dir, du kanns nix dofür.

Wa’s bloß loss met mir?

Herrjott, wieso sinn mit zwei uns passiert?



Et ess vorbei, (x2)

eh dat noch russläuf op Dierquälerei.

Et ess vorbei (x3)

un do blieht et och bei,

jläuv mir’t ess besser, mir lossen uns frei.



Nur dä Wind weiss – falls dä övverhaup jet weiss –

wat dä Jrund dofür ess,

dat ich wie en Katz su leis

dir dä Schal klau, dä noh all dä Sünde rüsch,

un dann affhau, eh du mich doch noch erwischs.

Wenn du wach weeß, setz ich ir’ndwo en’nem Zoch,

Steve McQueen als Papillon,

vüür Jeföhle op der Flucht,

weil’e Anx hätt, datt’e sich ahn dich jewönnt,

weil’e janz jenau weiß,

dat du jet Besseres verdeens.



Et litt nit ahn dir, du kanns nix dofür,

ich benn dat Problem

un wenn du ehrlich bess, siehs du dat enn.



Et ess vorbei, (x2)

eh dat noch russläuf op Dierquälerei.

Et ess vorbei (x3)

un do blieht et och bei,



Et ess vorbei, (x2)

wenn ich jet hasse, dann Römmeierei.

Et ess vorbei. (x2)

Jläuv mir’t ess besser, mir lossen uns frei.







Übersetzung kölsch - deutsch:

et Bess – das Beste

du sööx – du suchst

ald – schon

Rääsch hann – Recht haben

drövver noh – darüber nach

blieht – bleibt

Kääz – Kerze

mäht fäädisch – macht fertig

dodropp – dadrauf

deit – tut

unnühdisch – unnötig

doliss – daliegst

et litt – es liegt

rüsch – riecht

Papillon – Steve McQueen-Film v. 1973

verdeens – verdienst





Downloads, Mp3, Musik, Herunterladen, Lyrics, Songtexte, Konzerte, Tickets, Live, Video, DVD, Gratis, Diskographie , Mpeg, Kaufen, Song, Band, Artist, Album, Tracks, Kollektion, Archiv, Events, Suche, CD